குட்டிக் குரங்கை அன்புடன்
கட்டிக் கொண்டு நெஞ்சிலே
கிளைக்குக் கிளை தாவிடும்
குரங்கைப் பாரு மரத்திலே
வாலைக் கிளையில் சுற்றியே
தலை கீழாகத் தொங்கியே
காலை மாலை வேலையில்
தேகப் பயிற்சி செய்யுதே
இரண்டு கையை மூடியே
ஒன்றில் இனிப்பை ஒளித்திடின்
இனிப்பு இருக்கும் கையையே
கண்டு பிடித்துச் சிரிக்குதே
குறும்பு மிகவும் செய்திடும்
குரங்கைப் பார்க்க வாருங்கள்
குழந்தைகளே நீங்களும்
குறும்பு நிறையப் பண்ணுங்கள்
